• HRS News

Bisaya News: Kauswagan Mayor Arnado, boluntaryong nag self-quarantine!

Updated: Mar 16, 2020


Kauswagan town mayor, Rommel Arnado, interviewed by BHERT of Poblacion, Kauswagan, Lanao del Norte in relation to his recent official travel to Metro Manila. Arnado voluntarily submitted himself into home quarantine in compliance with DOH guidelines and requirement in the region.


OFFICIAL STATEMENT Mayor Rommel C. Arnado

(15 March 2020)


"Samtang nagpangandam kita aron hingpit nga ma porma ang mga precautionary measures ug direct response sa atong lungsod batok sa pagkalat sa #COVID19, nakita nako ang importansya sa personal nga commitment sa matag usa kanato niining dakong pagsulay nga atong nahiaguman.


Aron ma comply ang health requirements sa DOH, akong gi sumite ang akong kaugalingon sa 14-day home quarantine.


Matud pa sa DOH, ang mga nagbiyahe sa mga lugar nga adunay kumpirmadong kaso sa #COVID19, mahimong “PUM” o persons under monitoring maski wala pay gibati nga sintomas.


Niining milabay nga duha ka semana nag attend ako ug nagkalain laing meetings sa Metro Manila lakip ang pagsalmot sa General Assembly sa League of Municipalities of the Philippines (LMP).


Aron masiguro dili lang ang compliance kundi ang public safety, kinahanglan himoon ko ang 14-day home quarantine.


Ang pag self quarantine kinahanglan ma record sa barangay health emergency response teams (BHERTs) aron ma monitor ug inig kumpleto sa 14 ka adlaw, magkuha kita ug certification gikan nila.


Giawhag ko ang tanan nga nakabiyahe sa Metro Manila, laing nasud ug mga lugar nga adunay COVID-19 nga mag koopera kita sa BHERTs. Niining pamaagi, makatabang kita sa pagsiguro sa public health ug safety sa atong komunidad.


Samtang naa sa quarantine, ako magapadayon sa akong responsibilidad isip amahan sa lungsod ug kini dili makaapekto sa mga opisyal nga transaksiyon. Ang akong business transactions mag gikan sa akong panimalay niining temporaryong panahon sa quarantine ug siguruhon ko nga adunay masks ug adunay social distancing (1-2 meters) kung kinahanglan ko makig storya sa uban pang opisyales ug empleyado labi kay nia kita sa krisis nga sitwasyon.


Padayon ang atong pag monitor ug padayon ang akong paghatag ug giya ug direktiba sa mga buhatan.


Magtinabangay kitang tanan ug mangamuyo nga mahuman na ug malampasan nato kining maong problema. Isip usa ka katawhan ug usa ka komunidad, kaya natong atubangon kining tanan.


Sikad pa, Kauswaganon! Ang labawng makagagahum magagiya kanatong tanan!"



ROMMEL C. ARNADO

Municipal Mayor





237 views0 comments