• HRS News

MENSAHE GIKAN KANG KAUSWAGAN MAYOR ROMMEL ARNADO

Updated: Jul 1, 2020


Tungod sa panghitabo nga adunay unom (6) ka locally stranded individuals (LSI) nga atong gidawat dinhi sa lungsod ang kumpirmadong nag positibo sa COVID-19, naghimo ug lakang ang atong lokal nga pangagamhanan aron mapugngan ang posibleng pagkalat sa maong sakit.


Naghimo kita ug desisyon nga ibutang sa ‘hard lockdown’ ang upat ka purok sa barangay Delabayan isip safety measure. Ang Purok 3, 4, 5, ug 6 ang mga apektadong lugar sa atong lockdown.


Tungod niini, ginadili ang paglakaw sa katawhan nianang mga lugara ug palihug makig coordinate sa atong barangay ug LGU officials alang niini.


Ang unom ka LSIs naka isolate sa atong isolation facility sa Delabayan sa wala pa nakumpirmang positibo sila sa COVID-19. Apan karon, atua na sila sa provincial isolation facility sa Kapatagan, Lanao del Norte.


Dili kita angay mabalaka kay kining maong mga pasyente miagi sa insaktong proseso sa Provincial Health Office ug Department of Health (DOH).


Giawhag ang tanan nga padayon kitang magbantay ug magsunod sa mga pahimangno sa atong otoridad ug pagasundon ang atong health protocols.


Ang atong lokal nga pangagamhanan padayon mag atiman ug magsiguro nga luwas ang atong tagsa-tagsa ka pamilya ug komunidad. Ug giawhag nato ang inyong padayong pagsabot ug kooperasyon.


Rommel C. Arnado

Municipal Mayor

Kauswagan, Lanao del Norte



73 views0 comments

Recent Posts

See All