• HRS News

BISAYA NEWS: ROF, gisikop sa kapulisan sa paglapas sa ‘quarantine protocols’


Photo: Asenso Ozamiz Channel
Photo: Asenso Ozamiz Channel

ASENSO OZAMIZ NEWS CHANNEL


Usa ka Returning Overseas Filipino kon ROF nga kasamtangan nga naka-quarantine sa usa sa mga isolation facilities sa dakbayan sa Ozamiz ang gidakop sa mga operatiba sa Ozamiz City Police Station tungod sa paglapas sa mga quarantine protocols.


Ang suspetsado nga nailhan sa pangalan nga Kenneth Lawrence Lee, 29, ug ang asawa niini nga si Elizabeth Lee, 27, residente sa Barangay Baybay Sta. Cruz ning dakbayan, ang giaresto sa mga operatiba sa local nga kapulisan pinasukad sa report sa tag-iya sa usa ka hotel sa dakbayan nga gigamit nga isolation facility, tungod sa paglapas sa gipatuman nga mga quarantine protocols.


Gipasakaan ang magtiayong Lee sa kaso nga paglapas sa RA No. 11332 o ang Mandatory Reporting of Notifiable Diseases and Health Events of Public Health Concern Act, section e) non-cooperation of the person or identities identified as having the notifiable disease, or affected by the health event of public concern. Apil usab nga giaresto ang asawa sa suspetsado tungod sa partisipasyon niini sa gihimo nga breach of protocol sa iyang bana. “To be a principal by indispensable cooperation, one must participate in the criminal resolution, a conspiracy or unity in criminal purpose and cooperation in the commission of the offense by performing another act without which it would not have been accomplished.”


Sumala sa nakuha nga statement sa AONC news team sa tag-iya sa maong hotel, dili kini ang unang higayon nga milapas sa quarantine protocols ang suspetsado. Una na kining misulay sa pag-ikyas ug paggawas sa quarantine facility. Kaganinang buntag, mi-check in ang asawa niini sa maong hotel aron makauban ang iyang bana. Higpit nga gibawal alang sa mga naka-isolate nga mga returning residents nga makig-uban sa ilang pamilya o kang bisan kinsa samtang sila gipailalom sa quarantine.


Ang gihimo ni Lee ug sa asawa niini ang klaro nga nagbalewala ug wala nagrespeto sa estrikto nga mga quarantine protocols ug health and safety standards nga gipatuman sa dakbayan ilalom sa pagdumala ni Mayor Ando Oaminal aron mapugngan gayod ang pagsulod ug pagkalat dinhi sa atong lugar sa makamatay nga COVID-19. (PR)

48 views0 comments

Recent Posts

See All