• HRS News

BISAYA NEWS: Mga biyahero sa Mukas port na-stranded



OZAMIZ CITY (22 Oktubre 2020) — Pipila ka mga sakyanan ang naipit sa Mukas port human nagka aberya ang katapusang biyahe sa Daima Shipping Lines paingon sa dakbayan sa Ozamiz Huwebes sa gabii.

Miabot ug halos duha ka oras ang paghulat sa mga pasahero samtang nagpaabot sa desisyon sa tagdumala sa nasangpit nga salakyang pangdagat. Gumikan sa engine trouble nga nahiaguman sa M/V Pelican nga unta ang ‘last trip’ paingon sa Ozamiz, nahimong hinungdan kini sa nagdasok nga mga sakyanan nga buot moapas sa maong katapusang biyahe.

Aron mahatagan ug pagtagad ang maong problema nga nahimong hinungdan sa kapuno sa kalsada paingon sa port area, nagpahimutang ug ‘extended trip’ ang Daima management alang sa mga nahibiling sakyanan.

Tungod sa kapiot sa dalan sa port area, nagdugang problema ang pag counterflow sa mga sakyanan nga buot mauna sa gihimong loading sa mga sakyanan hinungdan nga naglisod ug gawas ang mga sakyanan sa maong barge nga niabot gikan sa Ozamiz.

21 views0 comments