• HRS News

BISAYA NEWS: LGU kumpirmadong wala nay PUIs ug PUMs


KAUSWAGAN LANAO DEL NORTE (4 Apr 2020) — Base sa talaan nga gipagula adlaw’ng Biernes sa Municipal Health Office niining lungsod, malampusong milabay ang ikaduhang adlaw nga “zero case” na ang PUMs ug PUIs sa gingsakupan sa munisipyo.


Apan matud pa kay Municipal Health Officer, Dr. Arthur Dale Laguertas, walay hunong ug nagapadayon ang pag monitor sa kabarangayan. Adunay nahabilin nga pipila ka gi gimonitor apan nag gikan kini sa mga lugar nga walay kumpirmadong lokal nga transmisyon sa coronavirus disease (COVID-19) ug maski dili na sila gikonsidera nga PUMs, dugang ‘precautionary measure’ ang pag monitor nga ginabuhat sa barangay health emergency response teams (BHERTs) kanila.


Padayon usab ang pagsusi sa nagkadaiyang ‘areas of responsibility’ ug sa pagpakalap sa mga impormasyon sa pag likay sa makamatay nga sakit.


Ang mga outposts sa municipal disaster and risk reduction management council ug Philippine National Police nagapadayon usab sa pag monitor sa pagsulod gawas sa katawhan sa national highway.


Ang lokal nga pangagamhanan kanunay naga ihap sa maong ginagmay nga kadaugan sa lungsod ug nagpaabot sa panahon nga hinay hinay nang ma regulate ang pag imposar sa enhanced community quarantine.


“Naghandom kita sa adlaw nga mahuman kining krisis ug pinaagi niining ginagmay nga kadaugan sa matag adlaw, moabot gyud puhon ang panahon nga mo deklara kitang COVID19-free ang lungsod sa Kauswagan,” matud pa ni municipal Mayor Rommel Arnado.

4 views0 comments

Recent Posts

See All