• HRS News

BISAYA NEWS: Balik Probinsiya, Bagong Pag-Asa Program, opisyal nga ilunsad sa Lanao del Norte


KAUSWAGAN, LANAO DEL NORTE (20 Nobyembre 2020) — Gipangunahan ni municipal mayor Rommel Arnado isip Head sa Security Committee ang pagpangandam alang sa ipahigayong Official Launch sa Balik Probinsiya, Bagong Pag-Asa (BP2) Program sa umaabot nga Nobyembre 24, adlaw’ng Martes, sa Bagong Pag-Asa Green Village sa barangay Tacub diin pagatukuron ang mga kabalayan alang sa mga taga Lanao del Norte nga nagpuyo sa dakbayan sa Cebu, Davao ug Metro Manila nga gusto nang mopauli sa lalawigan.


Uban sa suporta sa mga nasyonal nga ahensiya sa BP2 National Council ug lokal sa pangagamhanan sa Lanao del Norte ilalom sa pagdumala ni Gobernadora Imelda ‘Angging’ Dimaporo, mahinayon na ang pilot project sa national government sa ilalom sa direktiba ni Presidente Rodrigo Roa Duterte.


Ang maong proyekto nag-gikan sa ideya ug pangandoy ni Senator Christopher Lawrence ‘Bong’ Go diin gimanduan ang mga ahensiya sa gobyerno nga maghugpong aron sa pagsiguro nga maabot sa katawhan ang serbisyo ug programa sa gobyerno.


Sa gipahigayong meeting alang sa preparasyon adlaw’ng Huwebe, gisiguro ni Mayor Arnado nga mapangandaman ug masunod ang mga security ug health protocols sa maong aktibidad.


Andam na ang LGU ug ang security committee alang niini kauban ang Philippine National Police, Philippine Army, Philippine Coast Guard, Bureau of Fire and Protection ug uban pang miyembro sa maong komitiba.

#uswagPilipinas

74 views0 comments
  • w-facebook
  • Twitter Clean
  • White Google+ Icon

© 2023 by ​BUSINESS​ CONSULTING.  Proudly created with Wix.com